Samkvæmt íslenskum lögum (lög nr. 87/2018) þarftu að vera 18 ára eða eldri til að kaupa, flytja inn eða nota rafrettur, rafrettuvökva með eða án nikótíns. Icevape framfylgir 18 ára aldurstakmarki af fullri hörku á öllum vörum í vöruúrvali okkar.

Rafrettuvökvar og áfyllt einnota tæki (disposables) mega að hámarki innihalda 20 mg/ml (2%) af nikótíni.

Áfyllanleg hylki (pods), tankar og einnota tæki mega að hámarki rúma 2 ml.
Áfyllingar ílát (rafrettuvökva flöskur) sem innihalda nikótín mega að hámarki vera 10 ml.
Engin stærðartakmörk eru á nikótínlausum rafrettuvökvum að svo stöddu.

Já. Einstaklingar 18 ára og eldri mega koma með rafrettur og rafrettuvökva til eigin nota. Rafhlöður og rafrettur verða alltaf að vera í handfarangri samkvæmt flugöryggisreglum, en lokaðir og innsiglaðir vökvar fylgja stöðluðum reglum flugfélaga um vökva í farangri.

Samkvæmt íslenskum lögum gilda sömu reglur um notkun rafrettna og hefðbundinna sígarettna. Notkun þeirra er stranglega bönnuð innandyra á almannafærum, veitingastöðum, börum, kaffihúsum, í verslunum, almenningssamgöngum og hvarvetna á lóðum skóla, leikskóla, íþróttamiðstöðva og heilbrigðisstofnana. Margir staðir bjóða upp á sérmerkt reyk- eða vapesvæði utandyra.

Já, bragðbættir rafrettuvökvar og einnota rafrettur eru fullkomlega lögleg til sölu og notkunar á Íslandi, svo framarlega sem vörurnar uppfylla tilkynningarskyldu og öryggiskröfur Húsnæðis- og mannvirkjastofnunar (HMS) ásamt 20 mg/ml hámarksstyrk nikótíns.

Fjarsala yfir landamæri (að panta rafrettur eða rafrettuvökva með nikótíni af erlendum vefsíðum) er háð ströngum reglum og sendingar eru reglulega stöðvaðar eða gerðar upptækar í tolli ef vörurnar eða seljandinn eru ekki skráðir hjá íslenskum eftirlitsaðilum. Að auki leggjast nikótíngjöld og tollgjöld á allan innflutning einstaklinga.
Með því að versla beint hjá innlendri verslun eins og Icevape tryggir þú að vörurnar séu löglegar, skráðar og afgreiddar hratt án tollavesens.

Ferðamenn (18 ára og eldri) mega taka með sér hæfilegt magn af rafrettum, búnaði og rafrettuvökva sem ætlað er eingöngu til eigin nota meðan á dvöl stendur.
Vörur í miklu magni (sem bera merki um viðskiptatilgang) eða vörur sem brjóta í bága við íslenskar reglur geta verið gerðar upptækar í tolli.
Innfluttar vörur til einkanota sem eki tengjast ferðalagi í takmarkaðan tíma bera ýmis gjöld, tolla og skatta, svo sem nikótínskatt og VSK.

Nánast allar íslenskar bílaleigur fella rafrettur undir strangar reykbannsstefnur sínar. Notkun rafrettna inni í bílaleigubíl eða leigu-húsbíl leiðir nánast undantekningarlaust til hárra sekta við skil á ökutækinu.

Hendið aldrei einnota rafrettum, vape-tækjum eða rafhlöðum í hefðbundna heimilissorpstunnu.
Þar sem þessar vörur innihalda endurhlaðanlegar / einnota litíum-rafhlöður og rafrásir verður að skila þeim á söfnunarstöðvar fyrir spilliefni eða raftækjaúrgang (eins og á grenndar- og endurvinnslustöðvar Sorpu, Terra eða flokkunarstöðvar sveitarfélaga).
Tóm, skoluð vökvaglös úr plasti má flokka með hefðbundnu plasti, en notuðum coils og tómum hylkjum (pods) skal farga í almennt heimilissorp.

Úrval rafrettuvara í Fríhöfninni á Keflavíkurflugvelli er mjög takmarkað og háð ströngum reglum um sölu á flugvallarsvæðum. Flestir ferðamenn kjósa að taka leyfilegan skammt með sér í handfarangri eða panta sendingu beint á gistiheimilið, hótelið eða næsta afhendingarstað í gegnum t.d. Icevape.

Samkvæmt íslenskum lögum (lög nr. 87/2018) þarftu að vera 18 ára eða eldri til að kaupa eða flytja inn nikótínpúða.
Þó að engin lögboðin aldurstakmörk gildi um koffínpúða framfylgir Icevape ströngu 18 ára aldurstakmarki á öllum vörum í versluninni, þar með talið 100% nikótínlausum púðum og koffínpúðum.
Við seljum enga púða til ólögráða einstaklinga.

Samkvæmt íslenskum reglum er hámarksstyrkur nikótíns í nikótínpúðum 20 millígrömm á gramm (20 mg/g).
Allir púðar sem fara yfir þessi mörk eru bannaðir til sölu og innflutnings á Íslandi.

Já. Einstaklingar 18 ára og eldri mega taka með sér tóbakslausa nikótínpúða til eigin nota meðan á dvöl stendur. Athugið að hefðbundið sænskt lausaneftóbak eða munntóbak með tóbakslaufum (snus) er stranglega bannað til innflutnings og sölu samkvæmt íslenskum tóbaksvarnarlögum.

Koffínpúðar eru 100% nikótínlausir og tóbakslausir. Þeir eru settir undir efri vörina líkt og hefðbundnir púðar og gefa frá sér náttúrulegt koffín og bragðefni. Þetta veitir mögulega orku án vökva, sykurs eða sýrunnar sem fylgir kaffi og orkudrykkjum.

Þar sem púðar eru fullkomlega reyklausir og gufulausir, eru þeir almennt leyfðir á stöðum þar sem hefðbundnar reykingar eða rafrettur eru bannaðar – svo sem inni á veitingastöðum, í flugi, á hótelum og í almenningssamgöngum. Hins vegar er notkun þeirra stranglega bönnuð á lóðum og í húsnæði skóla, á íþróttasvæðum, í sundlaugum og í félagsmiðstöðvum barna og unglinga.
Fargið notuðum púðum alltaf á ábyrgan hátt í ruslafötu eða í geymsluhólfið efst á dósinni.

Til að tryggja sem best ferskleika, raka og bragðgæði er best að geyma dósir við stofuhita þar sem sól nær ekki til þeirra.
Ef geyma á óopnaðar dósir til lengri tíma er gott að geyma þær í köldu búri eða í kæli til að viðhalda réttu rakastigi púðanna.

Hendið aldrei púðum á víðavangi og sturtið þeim aldrei niður í salerni. Notuðum púðum skal henda í almennt heimilissorp eða geyma tímabundið í geymslulokinu efst á dósinni þar til komist er að ruslafötu.
Tómar plastdósir skal skola og flokka með heimiloplasti til endurvinnslu.
ATH! Nikótínpúðar sem hent er á víðavangi geta valdið alvarlegri eitrun hjá börnum og dýrum sem gætu komist í þá!

Við fylgjum skilyrðislausri núll-umburðarlyndisstefnu varðandi sölu til ólögráða einstaklinga.
Þótt íslensk lög kveði á um 18 ára aldurstakmark á rafrettum, vökvum með nikótíni og nikótínpúðum, útvíkkar Icevape þessa kröfu sjálfviljugt yfir allt okkar vöruúrval – þar með talið nikótínlausa vökva, nikótínlausa púða og koffínpúða.

Í greiðsluferlinu þurfa innlendir viðskiptavinir að stofna aðgang og gefa upp íslenska kennitölu, sem við notum samhliða öðrum upplýsingum til að sannreyna fæðingardag og aldur.
Fyrir sendingar til ferðamanna áskiljum við okkur rétt til að óska eftir gildum persónuskilríkjum með mynd (vegabréfi eða ökuskírteini) áður en pöntun er send af stað.

Sérhver pöntun sem lögð er inn af eða fyrir hönd einstaklings yngri en 18 ára verður tafarlaust afturkölluð og endurgreidd að fullu.
Ef ólögráða einstaklingur reynir að kaupa lögboðnar nikótín- eða rafrettuvörur felur verklag okkar í sér að hafa samband við foreldra eða forráðamenn vegna hinnar óheimiluðu kauptilraunar.
Ítrekaðar tilraunir geta leitt til tilkynningar til barnaverndaryfirvalda og/eða lögreglu.

Já, svo framarlega sem viðtakandinn er að minnsta kosti 18 ára.
Ef vafi leikur á um aldur viðtakanda munum við hafa samband við þig til að óska eftir frekari staðfestingu áður en pöntunin er send af stað.
Óheimilt er að afhenda ólögráða einstaklingum vörur sem háðar eru aldurstakmarki.
Að kaupa lögboðnar vörur fyrir hönd ólögráða einstaklinga eða afhenda þeim slíkar vörur er brot á íslenskum lögum og verður tilkynnt til lögreglu.

Krafa um stofnun aðgangs er fastmótuð stefna verslunarinnar sem tryggir örugga aldursstaðfestingu, veitir góða yfirsýn yfir pantanasögu viðskiptavina og stuðlar að hraðari afgreiðslu og áreiðanlegri sendingum.

Við tökum við öllum helstu debet- og kreditkortum (Visa og Mastercard; að undanskildu American Express) ásamt Netgíró.

Í þeim fátíðu tilvikum þar sem pöntuð vara reynist ófáanleg munum við hafa samband við þig eins fljótt og auðið er og bjóða sambærilega vöru í staðinn eða tafarlausa endurgreiðslu fyrir viðkomandi vöru.

Við bjóðum ekki upp á forpantir eða biðlista að svo stöddu. Ekki er hægt að leggja inn pöntun á uppseldum vörum fyrr en þær hafa verið skráðar aftur í vöruhúsið okkar.

Rauntímastaða á lager kemur fram beint á hverri vörusíðu og á vöruspjöldum í vöruflokkum. Merki (badges) gefa skýrt til kynna hvort von sé á vörunni (á leiðinni), hvort hún sé í skoðun, uppseld hjá birgja okkar eða hætt í framleiðslu/sölu hjá okkur eða birgja.

Icevape er eingöngu rekin sem netverslun.
Allar pantanir eru afgreiddar og sendar beint frá vöruhúsi okkar á Akureyri.
Við erum ekki með hefðbundna verslun þar sem hægt er að skoða vörur. Þar sem starfsemin fer fram í lokuðu vöruhúsi er hvorki hægt að koma og versla á staðnum né sækja pantanir beint í vöruhúsið; allar pantanir eru afhentar með Dropp eða Póstinum.
Þetta fyrirkomulag gæti tekið breytingum í framtíðinni ef ákveðið verður að bjóða upp á sérstakan afhendingarstað.

Pantanir eru pakkaðar og afhentar flutningsaðilum alla virka daga.
Hefðbundinn afhendingartími um land allt er 1–3 virkir dagar, eftir því hvaða flutningsleið er valin og hvert sendingin á að fara.
Pantanir sem berast fyrir kl. 12:00 á virkum dögum eru sendar samdægurs.
Pantanir í póstbox á Akureyri eru að jafnaði tilbúnar til afhendingar samdægurs á virkum dögum þegar pantað er fyrir klukkan 12:00

Við bjóðum upp á sendingar um land allt með Póstinum (heimkeyrsla og póstbox) og Dropp (afhendingarstaðir og snjallbox um allt land).
Þú getur valið þinn afhendingarstað í greiðsluferlinu.

Já. Við sendum um allt land. Þegar pantað er á hótel eða aðra gististaði er mikilvægt að fullt nafn viðtakanda passi við bókunina á hótelinu ásamt því að skrá götuheiti, herbergis- eða bókunarnúmer og virkt símanúmer. Einnig er hægt að velja nærliggjandi Dropp- eða Póstbox til að sækja sendinguna á þægilegan hátt.

Um leið og pöntunin þín hefur verið pökkuð og send af stað frá Akureyri færð þú staðfestingarpóst í tölvupósti með sendingarnúmeri (tracking) og hlekk til að fylgjast með ferli pakkans.

Vinsamlegast látið okkur vita innan 48 klukkustunda frá afhendingu með því að senda tölvupóst með pöntunarnúmeri og skýrri mynd af vörunum sem bárust ásamt fylgiseðli pakkans.

• Ef vöru vantar munum við bera myndina þína saman við pökkunarskrá og mynd sem tekin var í vöruhúsinu við pökkun til staðfestingar og senda vöruna sem vantar strax af stað.
• Ef röng vara var send munum við skipuleggja sendingu á henni til baka á okkar kostnað. Um leið og ranga varan hefur skilað sér í vöruhúsið okkar (eða er skráð í flutningskerfi flutningsaðila) sendum við réttu vöruna tafarlaust af stað.
• Vinsamlegast opnið ekki, rjúfið ekki innsigli eða notið vörur sem sendar voru fyrir mistök. Ekki er hægt að taka við vörum þar sem innsigli hefur verið rofið eða sem bera merki um notkun.

Já. Til að hætta við pöntun þarf að senda okkur tölvupóst tafarlaust með pöntunarnúmerinu og ósk um að hætta við pöntunina.

• Ef pöntunin hefur ekki verið send: Við fellum hana niður og endurgreiðum að fullu samstundis.
• Ef pöntunin hefur þegar verið send: Þú verður að skila óopnuðum pakkanum til vöruhúss okkar. Þegar pakkinn hefur borist og verið skoðaður endurgreiðum við pöntunina að frádregnum upphaflegum sendingarkostnaði. Viðskiptavinur ber ábyrgð á sendingarkostnaði við skil á vöru, ásamt upphaflegum sendingarkostnaði, jafnvel þótt pöntunin hafi upphaflega náð mörkum fyrir fría sendingu.

Óopnuðum og ónotuðum vörum í upprunalegum, innsigluðum umbúðum frá framleiðanda má skila innan 14 daga frá kaupum. Vegna heilbrigðis-, hreinlætis- og öryggissjónarmiða gilda eftirfarandi undantekningar:

• Rafrettuvökvum fæst ekki skilað nema bæði ytri umbúðir og sjálf flaskan séu með órofnu, upprunalegu plastinnsigli frá framleiðanda.
• Útsölu-, tilboðs- eða vöru v. lagerhreinsunar (clearance) eru lokasala og fást ekki endurgreiddar eða skilað.
• Notuðum hylkjum (pods), opnaðar pakkningar af brennurum (coils) og einnota vörum fæst ekki skilað þegar búið er að rjúfa innsigli.

Ef sendingin berst sýnilega skemmd, klesst eða lekur vegna meðhöndlunar í flutningi skal hafa samband við okkur innan 48 klukkustunda frá afhendingu.
Sendu okkur tölvupóst með pöntunarnúmerinu ásamt skýrum myndum af skemmda flutningskassanum, sendingarmiða flutningsaðilans og vörunum sem urðu fyrir skemmdum.
Við munum tafarlaust taka málið fyrir, skrá formlegt tjónamál hjá flutningsaðila (Dropp eða Póstinum) og senda nýjar vörur til þín án aukakostnaðar.
Vinsamlegast geymið allt umbúðaefni þar til afgreiðslu tjónamálsins er lokið.

Komi í ljós galli í vöru sem rekja má til framleiðslugalla gildir lögbundin ábyrgð á raftækjum samkvæmt neytendalögum. Sökum eðlis rafrettna eru þær þó framleiddar með lágmarks endingartíma upp á þrjá (3) mánuði til viðmiðunar.

Ábyrgð nær ekki til bilana eða skemmda sem rekja má til atvika sem framleiðanda eða seljanda verður ekki um kennt. Þar undir falla bilanir sem stafa af rangri meðferð eða misnotkun, slæmu viðhaldi, flutningi, slysum eða óhöppum, höggum eða falli, rakaskemmdum eða vökvaleka inn í rafrásir, röngum hleðsluaðferðum eða truflunum á rafkerfum.

Engin ábyrgð er á tönkum, hylkjum eða brennurum. Þar sem notkunarstíll, aflstillingar (wött), rafhlöður og seigja rafrettuvökva eru afar mismunandi milli einstaklinga, er ekki hægt að ábyrgjast endingu, hentugleika eða að tæki leki ekki (t.d. getur tankur lekið eða coil brunnið fljótt eingöngu vegna sogtækni eða stillinga notandans).

Tönkum og hylkjum fæst einungis skilað eða skipt séu þeir ónotaðir í óopnuðum, upprunalegum umbúðum gegn framvísun kvittunar. Komi upp vandamál með tank sem keyptur er hjá okkur gerum við allt sem við getum til að aðstoða þig við að finna út hvað veldur.

Ef rafrettan (mod) eða endurhlaðanlegt tæki bilar vegna framleiðslugalla innan ábyrgðartímans, hafðu samband við okkur með tölvupósti. Láttu fylgja pöntunarnúmer, skýra lýsingu á vandanum ásamt myndum eða myndskeiði sem sýnir gallann. Tæki sem sýna merki um höggskemmdir, vökvaleka í rafrásir eða skemmdir vegna rangrar hleðslu falla ekki undir ábyrgð.

Athugasemd vegna vetrarkulda: Ef rafrettur verða fyrir miklum frostkulda á íslenskum vetrardögum minnkar afkastageta litíum-rafhlaðna tímabundið og rafrettuvökvi þykknar (sem getur valdið þurrkun í brennurum eða skemmir þá). Leyfðu tækinu og vökvanum alltaf að ná eðlilegum stofuhita áður en tækið er sett í hleðslu eða notað.

Þótt rekstrar- og neysluvörur (svo sem einnota rafrettur, áfyllt hylki og laus vöf) beri ekki hefðbundna rekstrarábyrgð eftir að notkun hefst, ábyrgjumst við að varan sé í fullkomnu lagi við afhendingu. Ef vara reynist ónothæf við fyrstu prófun, lekur inni í lokuðum verksmiðjuumbúðum eða er ónýt við komu (Dead On Arrival), hafðu samband við okkur innan 48 klukkustunda frá móttöku. Sendu pöntunarnúmer, upplýsingar um framleiðslunúmer (batch) og stutt myndskeið eða ljósmynd af vandanum. Við skoðum hvert tilvik fyrir sig og bætum sannanlega framleiðslugalla með nýrri vöru eða inneign ef við á.

Við afgreiðum öll þjónustumál á einstaklingsgrundvelli. Jafnvel þótt skemmdir falli ekki undir formlega ábyrgðarskilmála – svo sem vegna falls í gólf, eðlilegs slits eða leka vegna rangra stillinga – hvetjum við þig samt til að hafa samband. Teymið okkar fer yfir málið og gerir sitt besta til að leiðbeina með bilanaleit, ráðleggja um viðgerðir eða finna sanngjarna lausn.

Í sumum tilfellum, já. Þótt hægt sé að greina mörg atriði í gegnum skýrar myndir eða myndbönd áskiljum við okkur rétt til að óska eftir því að varan sé send til vöruhúss okkar á Akureyri í almennilega tækniskoðun áður en ábyrgðarkrafa, vöruskipti eða endurgreiðsla er samþykkt. Þetta gerir okkur kleift að sannreyna hvort um raunverulegan framleiðslugalla sé að ræða eða utanaðkomandi þætti eins og vökvaskemmdir, ranga hleðslu eða högg.
Reynist um staðfestan framleiðslugalla að ræða endurgreiðum við sendingarkostnaðinn.